ചാര്‍ലിയിലെ ‘കള്ളന്‍ ഡിസൂസ’ വീണ്ടുമെത്തുന്നു

സൌബിൻ അവതരിപ്പിക്കുന്ന കള്ളൻ ഡിസൂസ എന്ന സിനിമയുടെ ഫസ്റ്റ് ലുക്ക് പോസ്റ്റർ പുറത്ത് വിട്ടിരിക്കുകയാണ് അണിയറ പ്രവർത്തകർ. ഈ ചിത്രത്തിൻ്റെ പോസ്റ്റർ പങ്കുവെച്ചുകൊണ്ട് ദുൽഖർ കുറിച്ച വാക്കുകൾ ശ്രദ്ധ നേടുകയാണ് ഇപ്പോൾ. “ചാർലിയിലെ കള്ളൻ ഡിസൂസയ്ക്ക് തുടർച്ചയാകുകയാണ്. എൻ്റെ ഏറെ പ്രിയപ്പെട്ട സൌബി മച്ചാനാണ് പ്രധാന കഥാപാത്രത്തെ അവതരിപ്പിക്കുന്നത്. ദിലീഷേട്ടനും സുരഭി ലക്ഷ്മിയും ഹരീഷ് കണാരനുമൊക്കെയാണ് ചിത്രത്തിലെ മറ്റു താരങ്ങൾ. ജിത്തു കെ ജയനാണ് സംവിധാനം ചെയ്യുന്നത്. ചിത്രത്തിൻ്റെ എല്ലാ അണിയറപ്രവർത്തകർക്കും വലിയ ആശംസകൾ നേരുന്നു. പോസ്റ്റർ അടിപൊളിയായിട്ടുണ്ട്. വലിയ തമാശയും ചിരിയുമൊക്കെ ഈ ചിത്രം സമ്മാനിക്കുമെന്ന് ഇതിലൂടെ വ്യക്തമാണെന്നും” ദുൽഖർ കുറിച്ചു.

2015ൽ ദുൽഖറിനെ നായകനാക്കി മാര്‍ട്ടിന്‍ പ്രക്കാട്ട് സംവിധാനം ചെയ്ത ചാർലി വലിയ ഹിറ്റായിരുന്നു. ചിത്രത്തിൽ സൌബിൻ അവതരിപ്പിച്ച കള്ളൻ കഥാപാത്രം ഏറെ ചിരിപ്പിക്കുകയും ചിന്തിപ്പിക്കുകയും ചെയിതിരുന്നു. ‘സനിക്കുട്ടന്‍ എന്ന കള്ളന്‍ ഡിസൂസ’ യായി ചിത്രത്തിൽ സൌബിൻ മിന്നുന്ന പ്രകടനമായിരുന്നു കാഴ്ച വെച്ചത്. ഈ കഥാപാത്രത്തിൻ്റെ തുടർച്ചയെന്നോണം മറ്റൊരു ചിത്രം ഒരുങ്ങുകയാണ്. ‘കള്ളന്‍ ഡിസൂസ’ എന്നു പേരിട്ടിരിക്കുന്ന ചിത്രത്തിൻ്റെ പോസ്റ്ററാണ് സോഷ്യൽ മീഡിയയിൽ തരംഗമായി കൊണ്ടിരിക്കുന്നത്. ജിത്തു കെ ജയന്‍ സംവിധാനം ചെയ്യുന്ന ചിത്രത്തിന് സജീര്‍ ബാബ രചന നിര്‍വ്വഹിച്ചിരിക്കുന്നു.

ഏറ്റവും പുതിയ സിനിമാ വാർത്തകൾക്കും വിവരങ്ങൾക്കും ജോയിൻ ചെയ്യുക

റാംഷി അഹമ്മദ്, തോമസ് ജോസഫ് പട്ടത്താനം, നൗഫല്‍ അഹമ്മദ്, ബ്രിജേഷ് മുഹമ്മദ്, ഒജി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. അരുണ്‍ ചാലിലാണ് ഛായാഗ്രഹണം നിർവ്വഹിക്കുന്നത്. ബാദുഷയാണ് പ്രൊഡക്ഷന്‍ കണ്‍ട്രോളര്‍. എഡിറ്റിംഗ് റിസാല്‍ ചീരന്‍ നിർവ്വഹിക്കുന്നു. ബി ഹരിനാരായണനാണ് ഗാനങ്ങൾക്ക് വരികള്‍ ഒരുക്കിയിരിക്കുന്നത്. ലിയോ ടോം പ്രശാന്ത് കർമ്മ എന്നിവരാണ് സംഗീതം. പശ്ചാത്തല സംഗീതം കൈലാസ് മേനോന്‍ നിർവ്വഹിക്കുന്നു. വിഎഫ്എക്സ് ടോണി മാഗ്‍മിത്തിൻ്റേതാണ്. ഡിഐ ലിജു പ്രഭാകര്‍

Please like Facebook Page for updates