അവാര്‍ഡ് നേട്ടത്തിൽ അച്ഛനും സഹോദരനും; അഭിനന്ദിച്ചുകൊണ്ടു കല്യാണി

67-ാമത് ദേശീയ ചലച്ചിത്ര പുരസ്കാരങ്ങളിൽ മലയാളത്തിനും ഇക്കുറി നിരവധി അംഗീകാരങ്ങൾ ലഭിച്ചിട്ടുണ്ട്. മൂന്നു പുരസ്കാരങ്ങളാണ് പ്രിയദർശൻ സംവിധാനം ചെയ്ത ‘മരക്കാർ: അറബിക്കടലിന്‍റെ സിംഹം’ നേടിയിരിക്കുന്നത്. മികച്ച ഫീച്ചർ സിനിമയ്ക്കുള്ള പുരസ്കാരവും മികച്ച സ്പെഷൽ ഇഫക്ട്സിനുള്ള പുരസ്കാരവും മികച്ച കോസ്റ്റ്യൂം ഡിസൈനിനുള്ള പുരസ്കാരവുമാണ് മോഹൻലാൽ നായകനായ ഈ സിനിമയ്ക്ക് ലഭിച്ചിരിക്കുന്നത്.

ഇപ്പോഴിതാ, അച്ഛനും സഹോദരനും ദേശീയ ചലച്ചിത്ര പുരസ്കാരം ലഭിച്ച സന്തോഷ നിമിഷത്തെ കുറിച്ച് സോഷ്യൽമീഡിയയിൽ പങ്കുവെച്ചിരിക്കുകയാണ് നടിയും പ്രിയദർശന്‍റെ മകളുമായ കല്യാണി പ്രിയദര്‍ശൻ. അവാര്‍ഡ് നേട്ടത്തിൽ അച്ഛനെയും സഹോദരനെയും അഭിനന്ദിച്ചുകൊണ്ടാണ് നടി കല്യാണി പ്രിയദർശൻ കുറിപ്പ് പങ്കുവെച്ചിരിക്കുന്നത്.

SO proud of my two main men! Apart from everyone else who is like family to me who are a part of #Marakkar. It’s the first time 3 of us came together for a film and it means the world to see it being recognized in this way. Words can’t describe what this project meant to me ♥️😭 pic.twitter.com/bWS1RnHqUn

— Kalyani Priyadarshan (@kalyanipriyan) March 22, 2021

“നിങ്ങള്‍ രണ്ടുപേരെ കുറിച്ച് ഏറെ അഭിമാനിക്കുന്നു. മരക്കാര്‍ എനിക്ക് ഒരു കുടുംബം പോലെയായിരുന്നു. ഇതാദ്യമായാണ് ഞങ്ങൾ മൂന്നുപേരും ഒരു സിനിമയിൽ ഒരുമിച്ചത്, ആ ചിത്രം തന്നെ ഇത്തരത്തിൽ അംഗീകരിക്കപ്പെടുമ്പോള്‍ ഈ പ്രൊജക്റ്റിനെ കുറിച്ച് കൂടുതൽ വിവരിക്കാൻ എനിക്ക് വാക്കുകളില്ല,” എന്നാണ് കല്യാണി കുറിച്ചിരിക്കുന്നത്. പ്രിയദർശനൊപ്പം മക്കളായ കല്യാണിയും സിദ്ധാർത്ഥും ഒരുമിച്ചിരിക്കുന്ന സിനിമയാണ് ‘മരക്കാർ’. ചിത്രത്തിലൂടെ മികച്ച സ്പെഷൽ ഇഫക്ട്സിനുള്ള ദേശീയ പുരസ്കാരം സ്വന്തമാക്കിയിരിക്കുകയാണ് പ്രിയദര്‍ശന്‍റെ മകൻ സിദ്ധാർത് പ്രിയദര്‍ശൻ. മികച്ച കോസ്റ്റ്യൂം ഡിസൈനിനുള്ള പുരസ്കാരം നേടിയത് സുജിത് സുധാകരനും സായിയുമാണ്.

മോഹൻലാൽ കേന്ദ്രകഥാപാത്രമായി എത്തുന്ന സിനിമ മലയാളത്തിലെ ഏറ്റവും വലിയ ബജറ്റ് ചിത്രവുമാണ്. മഞ്ജു വാര്യര്‍, അര്‍ജുന്‍, സുനില്‍ ഷെട്ടി, സിദ്ദിഖ്, പ്രഭു, ബാബുരാജ്, കീര്‍ത്തി സുരേഷ്, കല്യാണി പ്രിയദര്‍ശന്‍, പ്രണവ് മോഹന്‍ലാല്‍ തുടങ്ങി നിരവധി താരങ്ങളാണ് മരക്കാറിലുള്ളത്. ആന്‍റണി പെരുമ്പാവൂരും സി.ജെ.റോയും സന്തോഷ് കുരുവിളയും ചേർന്നാണ് സിനിമയുടെ നിര്‍മ്മാണം