പവൻ കല്യാൺ നായകനാകുന്ന ‘ഹരി ഹര വീരമല്ലു’

പവർസ്റ്റാർ പവൻ കല്യാണിനെ ഇതിഹാസ നായകനാക്കി ക്രിഷ് സംവിധാനം ചെയ്യുന്ന ‘ഹരി ഹര വീരമല്ലു’എന്ന ചിത്രത്തിന്‍റെ ഫസ്റ്റ് ലുക്ക് പോസ്റ്ററും ടീസർ വീഡിയോയും മഹാ ശിവരാത്രി ദിവസം റിലീസായി. തെലുങ്കിനോടാെപ്പം ഒരേ സമയം മലയാളം, ഹിന്ദി, തമിഴ്, കന്നട എന്നീ ഭാഷകളിലും റിലീസ് ചെയ്യുന്ന ഈ ചിത്രത്തില്‍ നിധി അഗര്‍വാള്‍ നായികയായെത്തുന്നു. ടെെറ്റില്‍ റോളില്‍ പവര്‍ കല്യാൺ കിടിലൻ ഗെറ്റപ്പിലാണ് ചിത്രത്തിലെത്തുന്നത്. 150 കോടി മുടക്കി മെഗാ സൂര്യ പ്രൊഡക്ഷൻസിന്‍റെ ബാനറില്‍ എ എം രത്ന അവതരിപ്പിക്കുന്ന ഈ സിനിമയുടെ ഛായാഗ്രഹണം ജ്ഞാനശേഖര്‍ വി എസ് നിര്‍വ്വഹിക്കുന്നു. ഇതിഹാസ വീരകൃത്യത്തിൻ കഥയാണിത്, സംവിധായകൻ ക്രിഷ് ഒരുക്കുന്ന ഈ ചിത്രത്തില്‍ പതിനേഴാം നൂറ്റാണ്ടിലെ മുഗൾ, ഖുതുബ് ഷാഹിസ് കാലഘട്ടത്തിന്‍റെ പശ്ചാത്തലമാണ് ഒരുക്കിയിരിക്കുന്നത്.

ചിത്രത്തിന്‍റെ ഷൂട്ടിംഗിനായി ചാർമിനാർ, റെഡ് ഫോർട്ട്, മച്ചിലിപട്ടണം പോർട്ട് തുടങ്ങിയ ഭീമാകാരമായ സെറ്റുകൾ ഒരുക്കിയിട്ടുണ്ട്, അതിനർത്ഥം വിട്ടുവീഴ്ചയില്ലാത്ത ആഡംബര ഉൽപാദന മൂല്യങ്ങളോടെയാണ് ചിത്രം നിർമ്മിക്കുന്നതെന്നാണെന്ന് അണിയറപ്രവർത്തകർ പറയുന്നത്. എം എം കീരവാനി സംഗീതം, നിർമ്മാണം എ. ദയകർ റാവു, സംഭാഷണം സായ് മാധവ് ബുറ, വിഷ്വൽ ഇഫക്റ്റ് ബെൻ ലോക്ക്, പ്രൊഡക്ഷൻ ഡിസൈനർ രാജീവൻ, സ്റ്റണ്ട് രാം-ലക്ഷ്മൺ, ശ്യാം കൗശ്യല്‍, ദിലീപ് സുബ്ബാരായൺ, വാര്‍ത്ത പ്രചരണം എ എസ് ദിനേശ് എന്നിവരാണ്. 2022 സംക്രാന്തി നാളില്‍ “ഹരി ഹര വീര മല്ലു ” പ്രദര്‍ശനത്തിനെത്താനായി ഒരുങ്ങുകയാണ്.