വിസ്മയിപ്പിക്കുന്ന പ്രകടനം കാഴ്ച വെച്ച് ബിജു മേനോൻ; ആർക്കറിയാം ട്രെയിലർ പുറത്ത്

ബിജു മേനോൻ, പാർവതി തിരുവോത്ത്‌, ഷറഫുദ്ധീൻ എന്നിവർ പ്രധാന കഥാപാത്രങ്ങൾ ആയി എത്തുന്ന ‘ആർക്കറിയാം’ ചിത്രത്തിൻ്റെ ട്രെയിലർ പുറത്ത് വിട്ടിരിക്കുകയാണ് അണിയറപ്രവർത്തകർ ഇപ്പോൾ. ചിത്രത്തിൽ ബിജു മേനോൻ വിസ്മയിപ്പിക്കുന്ന പ്രകടനമാണ് കാഴ്ചവെച്ചിരിക്കുന്നതെന്ന് വ്യക്തമാക്കുന്നതാണ് പുതിയ ട്രെയിലർ. ഷറഫുദ്ദീനും പാർവതി തിരുവോത്തും ശ്രദ്ധേയ പ്രകടനം കാഴ്ച വെച്ചിട്ടുണ്ട്.

ചിത്രം ഏപ്രിൽ 3ന് റിലീസിന് ഒരുങ്ങുകയാണ്. സാനു ജോൺ വർഗീസാണ് ചിത്രം സംവിധാനം ചെയ്യുന്നത്. സന്തോഷ് ടി കുരുവിളയും ആഷിഖ് അബുവും ചേർന്നാണ് ചിത്രം നിർമ്മിച്ചിരിക്കുന്നത്. ചിത്രത്തിൻ്റേതായി പുറത്തിറങ്ങിയ ആദ്യ രണ്ടു ടീസറിനും, ‘ചിരമഭയമീ’ എന്ന് തുടങ്ങുന്ന ആദ്യ വീഡിയോ ഗാനത്തിനും വലിയ സ്വീകാര്യത ലഭിച്ചിരുന്നു. മൂൺഷോട്ട് എന്റർടൈൻമെൻറ്സിന്റെയും, ഒ പി എം ഡ്രീം മിൽ സിനിമാസിന്റെയും ബാനറിലാണ് ചിത്രം നിർമ്മിച്ചിരിക്കുന്നത്.

ചിത്രത്തിൻ്റെ എഡിറ്റിംഗ് നിർവഹിച്ചിരിക്കുന്നത് മഹേഷ് നാരായണനാണ്. സാനു ജോൺ വർഗീസും, രാജേഷ് രവിയും, അരുൺ ജനാർദ്ദനനും ചേർന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്. ജി ശ്രീനിവാസ് റെഡ്ഢിയാണ് ഛായാഗ്രഹണം നിർവ്വഹിക്കുന്നത്. പശ്ചാത്തല സംഗീതം നൽകിയിരിക്കുന്നത് ദേശീയ അന്തർദേശീയ തലങ്ങളിൽ പ്രശസ്തനായ സംഗീതജ്ഞൻ സഞ്ജയ് ദിവേച്ഛയാണ്.

ആർട്ട് ഡയറക്ടർ ജ്യോതിഷ് ശങ്കറാണ്, രതീഷ് ബാലകൃഷ്ണൻ പൊതുവാളാണ് പ്രൊഡക്ഷൻ ഡിസൈനർ. സമീറ സനീഷ് വസ്ത്രാലങ്കാരവും രഞ്ജിത്ത് അമ്പാടി മേക്കപ്പും നിർവ്വഹിച്ചിരിക്കുന്നു. അരുൺ സി തമ്പിയും സന്ദീപ് രക്ഷിതും എക്സിക്യൂട്ടീവ് പ്രൊഡ്യൂസേഴ്‌സ് ആയ ചിത്രത്തിൽ വാവ ചീഫ് അസ്സോസിയേറ്റ് ഡയറക്ടറാണ്. ബെന്നി കട്ടപ്പനയാണ് പ്രൊഡക്ഷൻ കൺട്രോളർ. പരസ്യകല ഓൾഡ് മോങ്ക്സ്.