ദൃശ്യം 2; പ്രേക്ഷകർ ശ്രദ്ധിക്കാതെ പോയ നാൽപ്പത്തിരണ്ടോളം തെറ്റുകൾ

കേരളം കാത്തിരുന്ന മോഹൻലാൽ-ജീത്തു ജോസഫ് കൂട്ട് കെട്ടിൽ പിറന്ന ‘ദൃശ്യം 2’ ആമസോൺ പ്രൈം റിലീസിന് പിന്നാലെ ചോർന്നത് ഏറെ വാർത്താപ്രാധാന്യവും നേടിയിരുന്നു. 2021 ഫെബ്രുവരി 19നായിരുന്നു ചിത്രം പുറത്തിറങ്ങിയത്. ഒരു മലയാളം ത്രില്ലർ ചലച്ചിത്രമെന്ന നിലയിലും 2013ലെ മലയാളത്തിൻ്റെ ബമ്പർ ഹിറ്റ് ചിത്രത്തിൻ്റെ രണ്ടാം പതിപ്പ് എന്ന നിലയിലും വളരെ സമ്മിശ്രമായ പ്രതികരണമായിരുന്നു ചിത്രത്തിന് പ്രേക്ഷകരുടെ ഭാഗത്ത് നിന്ന് ലഭിച്ചത്.

ഇപ്പോഴിതാ പ്രേക്ഷകർ ശ്രദ്ധിക്കാതെ പോയ നാൽപ്പത്തിരണ്ടോളം തെറ്റുകൾ ചൂണ്ടിക്കാട്ടുന്ന ഒരു വീഡിയോ ശ്രദ്ധ നേടുകയാണ്. സിനിമയെ അതിസൂക്ഷ്മമായി നിരീക്ഷിച്ച് കണ്ടുപിടിച്ച 42 തെറ്റുകളാണ് കിരൺ ജോൺ ഇടിക്കുള എന്ന യൂട്യൂബ് ചാനലിലൂടെ പുറത്ത് വിട്ടിരിക്കുന്നത്. ചിത്രീകരണത്തിനിടെ സംഭവിച്ച വളരെ ശ്രദ്ധ കൊടുക്കേണ്ട വളരെ ചെറിയതും അതേസമയം വലുതുമായ കാര്യങ്ങളുമാണ് വീഡിയോ ചൂണ്ടിക്കാട്ടുന്നത്.

ദൃശ്യം 2 വിന്റെ കഥ നടക്കുന്നത് 2019ലാണെങ്കിലും ചിത്രത്തിൽ കാട്ടുന്ന ഫോണുകളിലും ലാപ്ടോപ്പിലും തെളിയുന്ന ഡേറ്റ് 2020 ആണെന്നതും മൊബൈലിലൂടെ കാണുന്ന സിസിടിവി ക്യാമറകളിലും കാട്ടുന്ന ഡേറ്റും 2020 തന്നെയാണെന്നതുമാണ് ശ്രദ്ധേയമായ കണ്ടെത്തലുകളിലൊന്ന്. ഇതുപോലെ ദൃശ്യം ആദ്യ ഭാഗത്തിലും ചെറിയ അബദ്ധങ്ങൾ ഇതേ വ്യക്തി കണ്ടെത്തിയിരുന്നു. കാറിന്റെ കണ്ണാടിയിലൂടെ ഷൂട്ടിങ് ക്രൂ അംഗങ്ങളെ കാണുന്നുമുണ്ട്.