ലിജോ ജോസ് പെല്ലിശ്ശേരിയുടെ ‘ജെല്ലിക്കെട്ട്’ ഓസ്കർ പട്ടികയിൽ നിന്ന് പുറത്ത് ; പ്രതീക്ഷയോടെ ബിട്ടു

93-മത് ഓസ്കാർ പുരസ്കാര മത്സരത്തിന്റെ പട്ടികയിൽ ഇടം പിടിക്കാൻ ആവാതെ ലിജോ ജോസ് പെല്ലിശ്ശേരിയുടെ ജെല്ലിക്കെട്ട് പുറത്തായി. അക്കാദമി അവാർഡ് സിന്ടെ ഇന്റർനാഷണൽ ഫീച്ചർ ഫിലിം കാറ്റഗറിയിലാണ് ചിത്രത്തിന് എൻട്രി ലഭിച്ചിരുന്നത്. 27 ചിത്രങ്ങളാണ് ഇന്ത്യയില്‍ ഓസ്‌കാറിനായി മത്സരിച്ചത്. ഗുലാബോ സിതാബോ, ചിപ്പ, ചലാംഗ്, ഡിസൈപ്പിള്‍ , ശിക്കാര. ബിറ്റര്‍ സ്വീറ്റ് തുടങ്ങിയ ചിത്രങ്ങള്‍ക്കൊപ്പം ഗീതു മോഹന്‍ദാസ് സംവിധാനം ചെയ്ത മൂത്തോനും മത്സരത്തിലുണ്ടായിരുന്നു.

യോഗ്യത നേടിയ ചിത്രങ്ങളുടെ വോട്ടെടുപ്പ് മാർച്ച് 5-9 വരെ നടക്കും. മാർച്ച് 15 ന് ഓസ്കാർ നോമിനേഷൻ പ്രഖ്യാപിക്കും. ഏപ്രിൽ 25 നാണ് ചടങ്ങ്.

രാജ്യാന്തര ചലച്ചിത്ര അവാര്‍ഡുകളടക്കം നേടിയ ചിത്രമാണ് ജല്ലിക്കട്ട്. ചലച്ചിത്ര അവാര്‍ഡുകളടക്കം നേടിയ ചിത്രമാണ് ജല്ലിക്കട്ട്. തീയേറ്ററിലും മികച്ച പ്രക്ഷക പ്രതികരണം നേടിയ ചിത്രം എസ് ഹരീഷിന്റെ മാവോയിസ്റ്റ് എന്ന കഥയെ ആസ്പദമാക്കിയായിരുന്നു ഒരുക്കിയത്. എസ് ഹരീഷും ആര്‍ ജയകുമാറുമായിരുന്നു ചിത്രത്തിന്റെ തിരക്കഥ തയ്യാറാക്കിയത്. ആന്റണി വര്‍ഗ്ഗീസ് ചെമ്പന്‍ വിനോദ്, സാബുമോന്‍ അബദു സമദ് എന്നിവരാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിച്ചത്.

ബെസ്റ്റ് ലൈവ് ആക്ഷൻ ഷോട്ട് ഫിലിം വിഭാഗത്തിൽ ഇന്ത്യയിൽ നിന്നുള്ള ബിട്ടു ആദ്യ 10ൽ ഇടംനേടി. താഹിറ കശ്യപ് സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് കരീഷ്മ ദേവ് ദുബെയാണ്.