‘ഗോഡ്സില്ല വേഴ്സസ് കോങ്’ വീണ്ടും വരുന്നു; ട്രെയിലർ പുറത്തിറങ്ങി

‘ഗോഡ്സില്ല വേഴ്സസ് കോങ്’ ട്രെയിലർ വാർണർ ബ്രോസ് പുറത്തിറക്കി. ഇംഗ്ലീഷ്, ഹിന്ദി, തമിഴ്, തെലുങ്ക് തുടങ്ങിയ ഭാഷകളിൽ രണ്ട് മിനിറ്റ് ദൈർഘ്യമുള്ള ട്രെയിലർ പുറത്തിറങ്ങി. വളരെയധികം ആവേശകരമായ ട്രെയിലറിൽ ആരാധകർക്ക് ഗോഡ്സില്ലയും കിംഗ് കോങ്ങും തമ്മിലുള്ള ആക്ഷൻ സീക്വൻസ് കാണാനാകും.

ഈ സിനിമ ‘ഗോഡ്‌സില്ല: കിംഗ് ഓഫ് ദി മോൺസ്റ്റേഴ്‌സ്’ (2019), ‘കോംഗ്: സ്‌കൽ ഐലന്റ്’ (2017) എന്നിവയുടെ തുടർച്ചയാണ്. കിങ് കോങ് സീരിസിലെ 12ാമത്തെ ചിത്രവും ഗോഡ്സില്ല സീരിസിലെ 36ാമത്തെ ചിത്രവുമാണിത്. അലക്സാണ്ടർ സ്കർസ്ഗാർഡ്, റെബേക്ക ബാൾ, മിലി ബോബി ബ്രൗൺ എന്നിവരാണ് പ്രധാന താരങ്ങൾ.

1962-ലെ ‘കിംഗ് കോങ് വേഴ്സസ് ഗോഡ്സില്ലയിൽ’ കോങ് ആണ് വിജയിച്ചത്. ഇത്തവണ യുദ്ധത്തിനുപുറമേ കിംഗ് കോങിന്റെ ബാക്ക് സ്റ്റോറിയെക്കുറിച്ചാണെന്ന് ട്രെയിലർ സൂചന നൽകുന്നു. ചിത്രം മാർച്ച് 26ന് എച്ച്ബിഓ മാക്സിലൂടെ പുറത്തിറങ്ങും.