കാഴ്ചക്കാരുടെ എണ്ണണത്തിൽ റെക്കോ‌ര്‍ഡിട്ട് അല്ലു അർജുൻ നായകനാകുന്ന പുഷ്പയുടെ ക്യാരക്ടർ ടീസർ. ടോളിവുഡിൽ ഏറ്റവും വേഗത്തിൽ 50 മില്ല്യൺ തികയ്ക്കുന്ന ടീസര്‍ എന്ന സര്‍വ്വകലാ റെക്കോര്‍ഡാണ് ടീസര്‍ സ്വന്തമാക്കിയിരിക്കുന്നത്. ടോളിവുഡിൽ 24 മണിക്കൂറിനുള്ളിൽ ഏറ്റവുമധികം ആളുകൾ കണ്ട വീഡിയോ എന്ന റെക്കോര്‍ഡും മുമ്പ് ടീസര്‍ നേടിയിരുന്നു.
#PushpaRaj hits the biggest Milestone from TFI 🔥#Fastest50MForPushpaRajIntro 🔥
— Mythri Movie Makers (@MythriOfficial) April 27, 2021
– https://t.co/aDJPtArXyH#ThaggedheLe 🤙#Pushpa@alluarjun @iamRashmika #FahadhFaasil @aryasukku @ThisIsDSP @resulp @adityamusic @PushpaMovie
పుష్ప പുഷ്പ புஷ்பா ಪುಷ್ಪ पुष्पा pic.twitter.com/IaG2anZpr2
ഏപ്രിൽ 8ന് അല്ലുവിന്‍റെ ജന്മദിനത്തിന് മുന്നോടിയായിട്ടായിരുന്നു ടീസര്‍ പുറത്തുവിട്ടിരുന്നത്. ആര്യ, ആര്യ 2 എന്നീ മെഗാഹിറ്റുകൾക്ക് ശേഷം അല്ലുവും സംവിധായകൻ സുകുമാറും ഒരുമിക്കുന്ന സിനിമയിൽ മലയാളത്തിന്‍റെ സ്വന്തം ഫഹദ് ഫാസിലും ശ്രദ്ധേയ വേഷത്തിൽ എത്തുന്നുണ്ട്. തെലുങ്ക് ഫിലിം ഇൻഡസ്ട്രിയിൽ (ടിഎഫ്ഐ) ഏറ്റവും വേഗത്തിൽ 50 മില്ല്യൺ തികച്ച ടീസറെന്ന റെക്കോ‍ർഡിനൊപ്പം 1.2 മില്ല്യൺ ലൈക്കുകളും ഒരു ലക്ഷം കമന്‍റുകളും നേടിയെന്ന റെക്കോര്‍ഡും ടീസറിന് ലഭിച്ചിട്ടുണ്ട്.
തെലുങ്കിനോടൊപ്പം തമിഴ്, ഹിന്ദി, കന്നഡ, മലയാളം ഭാഷകളിൽ റിലീസ് ചെയ്യുന്ന ചിത്രത്തിൽ രശ്മിക മന്ദാന, ധനഞ്ജയ്, സുനിൽ, അജയ് ഘോഷ് തുടങ്ങിയവരും പ്രധാന കഥാപാത്രങ്ങളായുണ്ട്. മുറ്റംസെട്ടി മീഡിയയുമായി ചേർന്ന് മൈത്രി മൂവി മേക്കേഴ്‌സ് ആണ് സിനിമയുടെ നിര്‍മ്മാണം. മലയാളിയായ ഓസ്‌ക്കാർ പുരസ്‌ക്കാര ജേതാവ് റസൂൽ പൂക്കുട്ടിയാണ് ശബ്ദമിശ്രണം നിര്‍വ്വഹിക്കുന്നത്. ദേവി ശ്രീ പ്രസാദ് ആണ് സംഗീതം. മിറോസ്ല കുബ ബ്രോസെക് ആണ് ഛായാഗ്രഹണം, എഡിറ്റിംഗ് കാർത്തിക ശ്രീനിവാസ്, പീറ്റർ ഹെയ്നും രാം ലക്ഷമണുമാണ് ഫൈറ്റ് മാസ്റ്റേഴ്സ്. മേക്കപ്പ് നാനി ഭാരതി, കോസ്റ്റ്യൂം ദീപലി നൂർ, സഹസംവിധാനം വിഷ്ണു. പി.ആർ.ഒ ആതിര ദിൽജിത്ത് എന്നിവരാണ്.
