പ്രഖ്യാപിച്ച നാള് മുതല് വാര്ത്തകളില് ഇടം പിടിച്ച സിനിമയാണ് എ എല് വിജയ് സംവിധാനം ചെയ്യുന്ന ‘തലൈവി’. ജെ ജയലളിതയുടെ സിനിമാ – രാഷ്ട്രീയ ജീവിതത്തെ കുറിച്ച് പറയുന്ന സിനിമയുടെ റിലീസിനായി അക്ഷരാര്ത്ഥത്തില് കാത്തിരിയ്ക്കുകയാണ് അമ്മ ഭക്തന്മാരും സിനിമാ പ്രേമികളും. കങ്കണ റാണത്ത് നായികയാകുന്ന സിനിമയുടെ ട്രെയിലര് പ്രേക്ഷക പ്രതീക്ഷ നിലനിര്ത്തിക്കൊണ്ടുള്ളത് തന്നെയായിരുന്നു.
ഹിന്ദി, തമിഴ്, തെലുങ്ക് ഭാഷകളിലായി ഏപ്രില് 23 ന് സിനിമ റിലീസ് ചെയ്യാനായിരുന്നു നേരത്തെ തീരുമാനിച്ചത്. എന്നാല് സിനിമ പറഞ്ഞ തിയ്യതിയില് തീയേറ്ററില് എത്തില്ല. കൊവിഡ് 19 രണ്ടാം ഘട്ടത്തിന്റെ പശ്ചാത്തലത്തില് ചിത്രത്തിന്റെ റിലീസ് നീട്ടി വയ്ക്കുന്നതായി നിര്മാതാക്കള് അറിയിച്ചു. വിഷ്ണു വര്ധന് ഇന്ദുരി ഷൈലേഷ് ആര് സിംഗ് ബ്രിന്ദ പ്രസാദ് എന്നിവര് ചേര്ന്നാണ് ബിഗ് ജബറ്റ് ചിത്രമായ തലൈവി നിര്മിയ്ക്കുന്നത്.
#Thalaivi has always been about people first and in these times, people and their safety comes first.
— Thalaivi The Film (@Thalaivithefilm) April 9, 2021
Stay safe everyone!
We will be back soon!@KanganaTeam @thearvindswami #Vijay @vishinduri @ShaaileshRSingh @BrindaPrasad1 @neeta_lulla #HiteshThakkar @urstirumalreddy pic.twitter.com/eoOMMnbQ5C
നിര്മാതാക്കള് പുറത്തിറക്കിയ പ്രസ്താവന
”തലൈവി സിനിമയുടെ ട്രെയിലറിന് നിങ്ങള് നല്കിയ പ്രതികരണങ്ങള്ക്കും പിന്തുണയ്ക്കും നന്ദി. ഒരു ടീം എന്ന നിലയില് ഈ സിനിമ നിര്മിയ്ക്കുന്നതിനായി ഞങ്ങള്ക്ക് പല ത്യാഗങ്ങളും സഹിക്കേണ്ടി വന്നു. വെല്ലുവിളികള് നിറഞ്ഞതായിരുന്നു യാത്ര. ആ യാത്രയില് ഞങ്ങള്ക്ക് എല്ലാ പിന്തുണയും നല്കിയ അണിയറ പ്രവര്ത്തകര്ക്കും, അഭിനേതാക്കള്ക്കും നന്ദി”
”ഒരേ ദിവസം എല്ലാ ഭാഷകളിലും ഒന്നിച്ച് സിനിമ റിലീസ് ചെയ്യണം എന്നായിരുന്നു ഞങ്ങളുടെ ആഗ്രഹം. എന്നാല് കൊവിഡ് 19 ഭയാനകമായി വര്ധിയ്ക്കുകയാണ്. മുന്കരുതല് എന്ന നിലയില് ലോക്ക്ഡൗണ് ആവുന്നത് കൊണ്ട്, ഏപ്രില് 23 ന് റിലീസിന് തയ്യാറാണെങ്കിലും പറഞ്ഞ തിയ്യതിയില് സിനിമ റിലീസ് ചെയ്യാന് സാധിക്കുകയില്ല. മഹാമാരിയ്ക്ക് എതിരെയുള്ള സര്ക്കാറിന്റെ എല്ലാ ചടങ്ങള്ക്കും നിയമങ്ങള്ക്കും ഞങ്ങള് പൂര്ണ പിന്തുണ നല്കിക്കൊണ്ട് റിലീസ് നീട്ടി വയ്ക്കാന് തീരുമാനിച്ചു. റിലീസ് തിയ്യതി മാറ്റിവച്ചാലും നിങ്ങള് എല്ലാവരില് നിന്നും ലഭിയ്ക്കുന്ന സ്നേഹവും പിന്തുണയിലും തുടരുമെന്ന് ഞങ്ങള്ക്ക് ഉറപ്പുണ്ട്”.