ടൊവിനോ തോമസിനെ നായകനാക്കി രോഹിത് വി എസ് സംവിധാനം ചെയ്യുന്ന “കള” റിലീസിനൊരുങ്ങുന്നു. അഡ്വഞ്ചേഴ്സ് ഓഫ് ഓമനക്കുട്ടൻ, ഇബ് ലീസ് തുടങ്ങിയ ചിത്രങ്ങൾക്ക് ശേഷം ശേഷം രോഹിത് വി എസ് ഒരുക്കുന്ന മൂന്നാമത്തെ ചിത്രമാണ് ‘കള’. കളയുടെ രണ്ടാമത്തെ ട്രെയിലർ അണിയറപ്രവർത്തകർ പുറത്തിറക്കി. ഫീൽ ബാഡ് ഫിലിം ഓഫ് ദി ഇയർ എന്നിട്ട് എന്ന ടാഗ് ലൈനോനോടുകൂടിയാണ് പുറത്തിറക്കിയിരിക്കുന്നത്.
ത്രില്ലർ സ്വഭാവത്തിൽ ഒരുക്കിയിരിക്കുന്ന ചിത്രം 97കാലഘട്ടത്തിൽ നടക്കുന്ന കഥയാണ് പറയുന്നത്. ഇന്ന്, മാർച്ച് 25 നാണ് ചിത്രം റിലീസ് ചെയ്യുന്നത്. ഈ സിനിമയുടെ ആക്ഷൻ രംഗങ്ങൾ ചിത്രീകരിക്കുന്നതിനിടെ ടോവിനോ തോമസിന് പരിക്കേറ്റിരുന്നു. ആഴ്ചകൾ നീണ്ട വിശ്രമത്തിന് ശേഷം ആണ് ഷൂട്ടിംഗ് പൂർത്തീകരിച്ചത്.
രോഹിതിനൊപ്പം യദു പുഷ്പാകരനും കളയുടെ രചയിതാവാണ്. അഖില് ജോര്ജ് ആണ് ക്യമറ. ലാല്, ദിവ്യാ പിള്ള, സുമേഷ് എന്നിവര്ക്കൊപ്പം ബാസിഗര് എന്ന പേരുള്ള നായയും ചിത്രത്തില് പ്രധാന കഥാപാത്രമാണ്. മനുഷ്യനും പ്രകൃതിയുമാണ് സിനിമയുടെ തീം. ജുവിസ് പ്രൊഡക്ഷന്സാണ് നിർമാണം.