ദേശീയ ചലച്ചിത്ര പുരസ്കാര ജേതാവായ സംവിധായകനും തിരക്കഥാകൃത്തുമായ എസ് പി ജനനാഥൻ അന്തരിച്ചു . 61 വയസ്സായിരുന്നു. ചെന്നൈയിലെ അപ്പോളോ ആശുപത്രിയിൽ വെച്ച് രാവിലെ പത്ത് മണിക്കാണ് അന്ത്യം സംഭവിച്ചത്. കഴിഞ്ഞ ദിവസം അദ്ദേഹത്തെ ഹോട്ടൽ മുറിയിൽ ബോധരഹിതനായി സഹപ്രവർത്തകർ കണ്ടെത്തിയിരുന്നു. തുടര്‍ന്ന് ആശുപത്രിയിൽ എത്തിച്ച ശേഷമാണ് മരണം സംഭവിച്ചത്.
It is with the heaviest Heart that We say good bye to #SPJananathan sir – it was a pleasure working with you sir Thankyou for your wisdom and kind words you will always be in my thoughts ! My deepest condolences to his family 🙏 pic.twitter.com/Ox1Ag0EEYE
— shruti haasan (@shrutihaasan) March 14, 2021
തലച്ചോറിൽ രക്തം കട്ടപിടിച്ചതും ഹൃദയാഘാതം ഉണ്ടായതുമാണ് മരണകാരണമെന്ന് സഹോദരൻ മാധ്യമങ്ങളോട് അറിയിച്ചതായി തമിഴ് മാധ്യമങ്ങൾ റിപ്പോര്‍ട്ട് ചെയ്തിട്ടുണ്ട്. ഇയ‍ർക്കയ് എന്ന ആദ്യ സിനിമയിലൂടെ തന്നെ ദേശീയ അവാർഡ് നേടിയ സംവിധായകനാണ് ജനനാഥൻ.
ഈ, പേരാണ്മയ്, പുറംപോക്ക് എങ്കിര പൊതുവിടമൈ, ഭൂലോഹം തുടങ്ങിയവയാണ് മറ്റ് ശ്രദ്ധേയ സിനിമകള്‍. വിജയ് സേതുപതിയും ശ്രുതി ഹാസനും പ്രധാനവേഷത്തിലെത്തുന്ന ലാഭം എന്ന സിനിമയാണ് ഒടുവിൽ അദ്ദേഹം ഒരുക്കിക്കൊണ്ടിരുന്നത്. സിനിമയുടെ എഡിറ്റിങ് ജോലികള്‍ക്കിടയൊണ് കഴിഞ്ഞ ദിവസം അദ്ദേഹം ഹോട്ടലിൽ തങ്ങിയിരുന്നത്.
#Laabam director #SPJananathan , is no more… Incidentally he passed away on the death anniversary of social revolutionary #KarlMarx , who was his role model.We miss you sir.#RIP pic.twitter.com/Zl8qF0mokD
— D.IMMAN (@immancomposer) March 14, 2021
നടി ശ്രുതി ഹാസൻ, സംവിധായകൻ മോഹൻരാജ, സംഗീത സംവിധായകൻ ഡി ഇമ്മൻ തുടങ്ങി നിരവധി പേ‍‍ർ അദ്ദേഹത്തിന്‍റെ മരണത്തിൽ അനുശോചനം രേഖപ്പെടുത്തിയിട്ടുണ്ട്.
