ജനുവരി 22 ന് വർത്തമാനത്തിന്റെ നിർമ്മാതാക്കൾ സിനിമയുടെ ടീസർ പുറത്ത് വിട്ടു. പാർവ്വതി തിരുവോത്ത് പ്രധാനകഥാപാത്രത്തിലെത്തുന്ന ചിത്രം ജെ. എൻ. യു വിവാദത്തിലേക്ക് ശ്രദ്ധയാകർഷിക്കുന്നു.
കോളേജ് സംവിധാനത്തിന് എതിരെ അഭിപ്രായം പറയുന്ന ഹിജാബ് ധരിച്ചാണ് പാർവതിയെ ടീസറിൽ കാണുന്നത്. ശക്തമായ സന്ദേശം നിറഞ്ഞ ഒരു വിപ്ലവ കഥയാണ് വർത്തമാനം.
നേരത്തെ ഈ മലയാള ചിത്രം ദേശവിരുദ്ധ ഘടകങ്ങളെ പ്രോത്സാഹിപ്പിച്ചതിന്റെ പേരിൽ വിവാദത്തിലായിരുന്നു, കൂടാതെ ചിത്രം പ്രദർശിപ്പിക്കുന്നതിൽ നിന്നും വിലക്കിയിരുന്നു. പിന്നീട് ദില്ലി സെൻട്രൽ ബോർഡ് പുനരവലോകന സമിതിയിൽ നിന്നും പ്രദർശന അനുമതി ലഭിക്കുകയായിരുന്നു.
കൊച്ചൗവ്വ പൗലോ അയ്യപ്പ കൊയ്ലോ, സഖാവ് തുടങ്ങിയ സിനിമകൾക്ക് ശേഷം സിദ്ധാര്ത്ഥ് ശിവ സംവിധാനം ചെയ്യുന്ന ചിത്രത്തിന് ആര്യാടൻ ഷൗക്കത്താണ് തിരക്കഥയെഴുതുന്നത്. ജെ. എൻ. യു വിദ്യാർത്ഥിനിയായി പാര്വതി തിരുവോത്ത് പ്രധാന വേഷത്തിലെത്തുന്ന വർത്തമാനം സമകാലിക പ്രസക്തിയുള്ള പ്രമേയം പറഞ്ഞുകൊണ്ടാണ് ഒരുങ്ങിയിരുന്നത്. റോഷൻ മാത്യു, സിദ്ധിഖ്, ഡെയിൻ ഡെവിസ് എന്നിവരും ചിത്രത്തിൽ വേഷമിടുന്നു. ചിത്രത്തിന് ക്യാമറ കൈകാര്യം ചെയ്യുന്നത് അഗളപ്പൻ നാരായണനാണ്. ആര്യാടൻ നാസർ, ബെൻസി നാസർ എന്നിവരാണ് വർത്തമാനം നിർമ്മിക്കുന്നത്.