തിര, ഗോദ എന്നീ ചിത്രങ്ങളുടെ തിരക്കഥാകൃത്തായ രാകേഷ് മണ്ടോടി, ടൊവിനോ തോമസിനെ നായകനാക്കി, തിരക്കഥയെഴുതി സംവിധാനം ചെയ്യുന്ന “വരവ്” എന്ന പുതിയ സിനിമയുടെ ഫസ്റ്റ് ലുക്ക് പോസ്റ്റർ സൂപ്പര് താരം മോഹൻലാൽ തന്റെ ഫേസ്ബുക്ക് പേജിലൂടെ റിലീസ് ചെയ്തു. പതിയാറ എന്റര്ടെെന്മെന്റ്സിന്റെ ബാനറില് പ്രദീപ് കുമാര് പതിയാറ നിര്മ്മിക്കുന്ന ഈ സിനിമയുടെ ഛായാഗ്രഹണം വിശ്വജിത്ത് നിര്വ്വഹിക്കുന്നു. സരേഷ് മലയങ്കണ്ടി, ഗാനരചയിതാവ് മനു മഞ്ജിത്ത് എന്നിവര് രാകേഷിനൊപ്പം ഈ ചിത്രത്തിൽ ചിത്രത്തിൽ സഹ രചയിതാക്കളാണ്.
കല നിമേഷ് താനൂർ, പ്രൊഡക്ഷൻ കൺട്രോളർ ബിജു തോമസ്, വിതരണം കലാസംഘം, വാർത്ത പ്രചരണം എ എസ് ദിനേശ് എന്നിവരാണ്. കള എന്ന സിനിമയാണ് ടൊവിനോയുടേതായി ഒടുവിൽ തീയേറ്ററുകളിലെത്തിയ ചിത്രം.