സൂപ്പര് ഹിറ്റ് ചിത്രം സുരൈ പോട്രുവിന് ശേഷം അപര്ണ ബാലമുരളി കേന്ദ്ര കഥാപാത്രത്തെ അവതരിപ്പിക്കുന്ന തമിഴ്-മലയാളം ചിത്രമായ ‘ഉല’യുടെ ഫസ്റ്റ് ലുക്ക് പോസ്റ്റര് പുറത്തിറങ്ങി. നടനും സംവിധായകനുമായ പൃഥ്വിരാജ് സുകുമാരനാണ് ‘ഉല’യുടെ ഫസ്റ്റ് ലുക്ക് പോസ്റ്റര് പുറത്തിറക്കിയത്. ‘കല്ക്കി’ ഫെയിം പ്രവീണ് പ്രഭാറാം സംവിധാനം ചെയ്യുന്ന ‘ഉല’ സിക്സ്റ്റീന് ഫ്രെയിംസിന്റെ ബാനറില് ജിഷ്ണു ലക്ഷ്മൺ തമിഴിലും മലയാളത്തിലുമായി നിർമ്മിക്കുന്നു. കല്ക്കി’ ടീം വീണ്ടും ഒന്നിക്കുന്ന ചിത്രമെന്ന പ്രത്യേകതയും ‘ഉല’യ്ക്കുണ്ട്.
പ്രവീണ് പ്രഭാറാം, സുജിന് സുജാതൻ എന്നിവർ ചേര്ന്നാണ് സിനിമയുടെ തിരക്കഥയൊരുക്കുന്നത്. ഓപ്പറേഷന് ജാവയ്ക്ക് ശേഷം ഫായിസ് സിദ്ദിഖ് ഛായാഗ്രഹണം നിര്വഹിക്കുന്ന ചിത്രം കൂടിയാണ് ‘ഉല’. താര നിർണ്ണയവും മറ്റും പുരോഗമിക്കുന്ന ഈ സിനിമയുടെ ചിത്രീകരണം മെയ് അവസാനം വാരം ആരംഭിക്കും.വാർത്ത പ്രചരണം എ എസ് ദിനേശാണ്.