ദി പ്രീസ്റ്റ്’ എന്ന മമ്മൂട്ടി ചിത്രം തീയേറ്ററുകളിൽ മികച്ച പ്രതികരണം നേടി മുന്നേറുകയാണ്. കഴിഞ്ഞ ദിവസം സിനിമയുടെ വിജയാഘോഷത്തിനോടനുബന്ധിച്ച് നടന്ന പ്രെസ് മീറ്റിൽ മമ്മൂട്ടിയുടെ മുഖത്ത് നിന്ന് കണ്ണെടുക്കാതെ നോക്കിയിരിക്കുന്ന നടി നിഖില വിമലിന്റെ ചിത്രങ്ങള് സോഷ്യൽമീഡിയയിൽ വൈറലായിരുന്നു. നിഖിലേ ഇങ്ങനെ കണ്ണ് വെയ്ക്കല്ലേ ഞങ്ങളുടെ ഇക്കയെ, പ്രായം 69ആണ് എന്ന് പോലും ഓര്ക്കാതെ എജ്ജാതി നോട്ടം എന്നൊക്കെ കുറിച്ചുകൊണ്ട് പലരും നിഖിലയുടെ ചിത്രങ്ങള് സോഷ്യൽമീഡിയയിൽ പങ്കുവെച്ചിരിന്നു. ഇപ്പോഴിതാ നടി ഐശ്വര്യലക്ഷ്മിയും നിഖിലയെ ട്രോളിയിരിക്കുകയാണ്.
മമ്മൂട്ടിയുടെ മുഖത്ത് നിന്നും കണ്ണെടുക്കാതെ നോക്കിയിരിക്കുന്ന നിഖിലയുടെ ചിത്രങ്ങള് ട്രോളന്മാരും ഏറ്റെടുത്തിട്ടുണ്ട്. ‘ഈ ട്രോള് ഞാനും പങ്കുവയ്ക്കുന്നു, കൊല്ലരുത്, പ്രിയപ്പെട്ട പുരുഷന്മാരെ, നിഖില, മമ്മൂട്ടിയുടെ മുഖത്ത് നോക്കുന്നതുപോലെ നിങ്ങളെ നോക്കുന്നൊരു പെൺകുട്ടിയെ കണ്ടെത്തൂ’, എന്ന് കുറിച്ചാണ് നിഖിലയുടെ ട്രോള് ഐഷു ഇൻസ്റ്റ സ്റ്റോറിയായി ഇട്ടിരിക്കുന്നത്.
പ്രീസ്റ്റില് ജെസി എന്ന സ്കൂള് അധ്യാപികയുടെ വേഷത്തിലാണ് നിഖില അഭിനയിച്ചിരിക്കുന്നത്. നവാഗതനായ ജോഫിൻ ടി ചാക്കോ സംവിധാനം ചെയ്ത മിസ്റ്ററി ത്രില്ലര് ദി പ്രീസ്റ്റ് തീയേറ്ററുകളിൽ മികച്ച പ്രതികരണം നേടിയിരിക്കുന്നതായാണ് റിപ്പോര്ട്ട്. മാർച്ച് 11നാണ് ചിത്രം തീയേറ്ററുകളിലെത്തിയത്.