ബോളിവുഡ് നടനും നിർമ്മാതാവും സംവിധായകനും ആയിരുന്ന രാജീവ് കപൂർ അന്തരിച്ചു. ഹൃദയാഘാതമാണ് മരണകാരണം. ശാരീരികാസ്വസ്ഥതകള് പ്രകടപ്പിച്ചതിനെ തുടര്ന്ന് രാജീവിനെ ആശുപത്രിയിലെത്തിച്ചുവെങ്കിലും ജീവന് രക്ഷിക്കാനായില്ല. 58 വയസായിരുന്നു. ബോളിവുഡിലെ പ്രശസ്തമായ കപൂർ കുടുംബാംഗമാണ്. നടനും സംവിധായകനും നിർമ്മാതാവുമായിരുന രാജ് കപൂറിന്റെ മകനാണ് അന്തരിച്ച രാജീവ് കപൂര്.
1983ൽ പുറത്തിറങ്ങിയ ഏക് ജാൻ ഹെ ഹം എന്ന ചിത്രത്തിലൂടെയാണ് അഭിനയരംഗത്തെത്തുന്നത്. പിതാവിന്റെ അവസാന സംവിധാന സംരംഭമായ രാം തേരി ഗംഗ മൈലി എന്ന ചിത്രത്തില് പ്രധാനകഥാപാത്രത്തെ അവതരിപ്പിച്ചു. ആസ്മാന്, ലൗ ബോയ്, സബര്ദസ്ത്, ഹം തോ ചലേ പര്ദേശ് തുടങ്ങിയവയാണ് പ്രധാന ചിത്രങ്ങള്. 1996 ല് പുറത്തിറങ്ങിയ പ്രേംഗ്രന്ഥ് എന്ന ചിത്രം നിര്മിക്കുകയും സംവിധാനം ചെയ്യുകയും ചെയ്തു. ഈ വർഷം തുൾസീദാസ് ജൂനിയർ എന്ന ചിത്രത്തിലൂടെ അഭിനയരംഗത്തേക്ക് തിരിച്ചെത്താൻ ഒരുങ്ങുന്നതിനിടെ ആണ് വേർപാട്. അന്തരിച്ച നടന് ഋഷി കപൂര്, രണ്ധീര് കപൂര് എന്നിവര് സഹോദരങ്ങളാണ്. ബോളിവുഡ് താരങ്ങളായ കരീഷ്മ കപൂര്, കരീന കപൂര്, റണ്ബീര് കപൂര് തുടങ്ങിയവര് ബന്ധന്ധുക്കളാണ്.